Gweledigaeth a Syniadau ar gyfer y Gymuned

Gwella pyrth i’r pentref ar yr A487. Cyhoeddi hunaniaeth hanesyddol Llan-non gydag arwyddion unigryw sy’n cysylltu ag arwyddion cyfeirio eraill at adnoddau ac atyniadau lleol. Hyn i ddigwydd law yn llaw â gostwng y terfyn cyflymder o 40 i 20mya, defnydd posibl o arwydd LED i ddangos cyflymder.

Rheoli parcio ar y stryd. Ystyried darpariaeth parcio oddi ar y stryd i drigolion, ond hefyd cynnal parcio tymor byr i siopau a gwasanaethau lleol a fydd yn cefnogi gwelliannau i’r stryd.

Gwella cyfle i groesi i galon y pentref. Dylai canol y pentref fod lle mae’r A487 yn cyfarfod Heol-Y-Dŵr a Stryd-Yr-Ysgol, gan fod y swyddfa bost, siop gyfleustra, siop pysgod a sglodion, tafarn a’r ysgol gynradd gerllaw. Mae’r A487 yn torri drwodd yma gyda cheir yn cymryd blaenoriaeth dros gerddwyr. Mae angen archwilio ffyrdd o greu lle mwy dymunol i bobl, gan gynnal traffig drwodd a pharcio wrth alw heibio.

Gwella wyneb y ffordd ar Lôn yr Eglwys sy’n cysylltu â  Llansanffraed.

Ailwynebu hawliau tramwy, yn bennaf o Stryd-Y-Capel i gae chwarae Maes Albion oherwydd y defnydd ar y cyd â cherbydau.

Gwella’r llecyn ger y safle bws ar yr A487.  Cyfle i greu llecyn gwyrdd poced gyda seddau sy’n cefnogi gwelliannau stryd i’r gefnffordd.

Rheoli ardal maes parcio’r traeth. Clirio gweddillion   stormydd o’r maes parcio a rheoli parcio dros nos.

Diogelu Llwybr Arfordir Cymru rhag erydiad arfordirol.

Rheoli dŵr ffo i lawr Stryd-Yr-Ysgol trwy ystyried nodweddion gwanhau dŵr ffo, gwrychoedd, lleiniau byffer a gerddi dŵr glaw.

Asesu goleuadau a defnydd tariannau i gydymffurfio â safonau awyr dywyll.

Diogelu cymeriad hanesyddol y pentref ee Y Lleiniau, rhag gorddatblygu. Arfarniad ardal gadwraeth i gadarnhau gwerth y nodweddion canoloesol hyn a nodweddion ac adeiladau sensitif eraill.

Gwella dehongli treftadaeth leol fel ei fod ar gael yn ffisegol a digidol, i roi gwybodaeth am gapeli anghydffurfiol y pentref, yr ysgol, a’r ffaith ei fod mewn dyddiau a fu yn gartref i bum tafarn a bragdy, tair efail gof, cryddion, seiri olwynion a becws. Mae lleoedd hanesyddol eraill yn cynnwys Bwthyn Llan-non o’r 18^fed ganrif, y pyllau pysgota hynafol ac eglwys Llansanffraed. Mae cyfleoedd hefyd i gysylltu â llwybr Dylan Thomas.

Datblygu digwyddiad cymunedol sy’n dod â phobl at ei gilydd. Gallai’r digwyddiad hefyd gysylltu amryw grwpiau a sefydliadau cymunedol â’i gilydd wrth gynllunio’r gweithgarwch ee y neuadd, yr ysgol gynradd, capeli, yr eglwys, y clwb pêl-droed.

Datblygu gwefan gymunedol sy’n dathlu bywyd yn Llan-non, rôl y cyngor cymuned, dangos beth sydd ymlaen, a gwybodaeth leol arall.     

Datblygu’r cyrtiau tennis, oddi ar Stryd-yr-Ysgol, yn lle chwaraeon aml-ddefnydd ar gyfer yr holl gymuned.

Cefnogi neuadd y pentref fel canolfan. Uwchraddio’r neuadd  a buddsoddi ynddi er mwyn sicrhau ei bod yn cefnogi amrywiaeth helaeth o weithgareddau, boed yn grwpiau diddordebau bach neu’n ddigwyddiadau cymunedol mawr. Mae eitemau’n cynnwys gwresogi, llwyfan a gwelliannau eraill. Mae’n gysylltiedig â’r thema hyrwyddo’r gymuned.

Buddsoddi yn y clwb pêl-droed ac mewn offer chwarae i blant hŷn yn lle chwarae Maes Albion.  Darparu gwell ystafelloedd newid, tŷ clwb a chyfleusterau storio.

Archwilio darpariaeth i ieuenctid, dan do ac yn yr awyr agored a defnyddio asesau presennol fel neuadd y pentref. Datblygu rhaglen o weithgarwch sy’n canolbwyntio ar fentergarwch pobl ifanc, diwylliant a’r amgylchedd.

Archwilio dichonoldeb cael lle ychwanegol i randiroedd yn y pentref o ran galw, tir sydd ar gael a sut y gall cynnyrch gefnogi llesiant trigolion lleol.