Cyfarfod yr Artistiaid

Mae gwaith Meinir fel artist cymunedol yn rhychwantu sawl degawd ac mae’n cynnwys gweithio gyda phobl o bob oedran a chefndir. Law yn llaw â’i gwaith llawn-amser fel arlunydd, sy’n canolbwyntio ar chwedlau hanesyddol, tir a lle, mae wedi cyflwyno amrywiaeth helaeth o prosiectau celf cymunedol gan ddefnyddio fformatau aml-gyfrwng.

Gyda BA a MA mewn Celfyddyd Gain, a chael ei hyfforddi’n athrawes wedyn, gweithiodd fel athrawes gelf mewn ysgol uwchradd cyn treulio chwe blynedd fel darlithydd llawn-amser yn Ysgol Gelf Caerfyrddin. Dros y blynyddoedd, mae wedi cydweithio gyda amrywiol gwmnīau theatr, gan gynnwys Arad Goch, ar brosiectau dan arweiniad y gymuned sy’n cyfuno perfformio a chelfyddydau gweledol.

Mae ei phrofiad o gelf cymunedol yn cynnwys hefyd curadu arddangosfeydd, dylunio murluniau a mosaigau cyhoeddus, gweithio gyda phlant, oedolion bregus ac anabl mewn lleoliadau gweithdy, a phaentio setiau ar gyfer cynyrchiadau gan gynnwys y rheini yn yr Eisteddfod Genedlaethol.

Mae ei harferion gwaith wedi eu gwreiddio mewn cydweithio, cynhwysiant, ac ennyn diddordeb ystyrlon drwy’r celfyddydau. Dof â phrofiad, hyblygrwydd a theimlad angerddol dros helpu cymunedau i fynegi eu straeon mewn modd creadigol.

Mae mwy o wybodaeth am Meinir i’w gael yma.

Ers 2020, mae gwaith ysgrifenedig Hattie wedi cael ei gydnabod gan sefydliadau adnabyddus yng Nghymru a Phrydain. Cynrychiolodd Gymru fel Awdur gyda Llenyddiaeth Cymru (2020), cafodd ei henwi’n Awdur Cymreig Ifanc y Flwyddyn gan New Welsh Review (2021), a chafodd ei chefnogi gan Faber fel derbynnydd New Writing North (2023) ac roedd yn Awdur ar Waith yng Ngŵyl y Gelli y llynedd (2025).

Ers iddi raddio ym Mhrifysgol Rhydychen gydag Anrhydedd Dosbarth Cyntaf mewn Celfyddyd Gain trwy ysgoloriaeth i fyfyrwyr o gefndiroedd economaidd-gymdeithasol is (Ceredigion, Ysgol Uwchradd Castellnewydd Emlyn), mae ei gyrfa mewn ysgrifennu celfyddydol yn cynnwys testunau a gyhoeddwyd mewn print, llwyfannu diwylliant gwledig – gan gynnwys adolygiad o Oriel Mostyn, Llandudno yn The Guardian (2022), yn ogystal â dwy nofel hir wedi’u lleoli mewn trefi gwledig yng Nghymru (mae’r rhain yn cael eu hasesu ar hyn o bryd gyda’r asiantaeth CAA ar gyfer eu cyhoeddi).

Boed ar y ddalen neu mewn cyd-destun gweithdy, mae ei gwaith ysgrifenedig wedi ei symbylu gan chwilfrydedd yn nhraddodiadau adrodd straeon mewn cymunedau gwledig, ac o’r straeon nas cyhoeddwyd yn y lleoedd hynny sy’n aml yn cael eu gwthio i’r ymylon. Beth bynnag fo’r prosiect, mae fy ysgrifennu o dan ddylanwad cyson y cyd-destun y cefais fy magu ynddo a lle rwy’n byw: y Gymru wledig ddwyieithog.

Mae mwy o wybodaeth am Hattie i’w gael yma.