Gweledigaeth a Syniadau ar gyfer y Gymuned

Gwella pyrth a lleihau cyflymder traffig i mewn i’r pentrefi gyda nodweddion graddol sy’n cynnal y terfyn cyflymder ac yn codi ymwybyddiaeth o droadau dall a risgiau eraill. Arwyddion, ymestyn darnau o’r pafin allan, planhigion (os yn ymarferol), ymgyrch a gynllunir gan yr ysgol gynradd.

Gwella llwybrau a goleuadau ar ffyrdd allweddol (ysgol, siopau, y traeth) sy’n sensitif i’r galw (synwyryddion symud/traffig).

Rheoli traffig a phobl o amgylch Ffordd Yr Odyn sy’n dangos y ffordd i gerddwyr yn yr ardal, cyfeirio pobl trwy’r maes parcio, darpariaeth parcio i’r anabl a mynediad ramp i’r traeth. Trin y gerbytffordd ac arwyddion ychwanegol.

Canfod safleoedd ar gyfer darpariaeth parcio oddi ar y stryd (tymhorol/cyfnod brig/gorlif).

Dichonoldeb cynllun llogi e-feiciau cymunedol sy’n cysylltu cymdogaethau cyfagos.

Rheoli datblygiad rhwng Aberporth a Tresaith, gwarchod caeau gwyrdd a thir ffermio, a hunaniaethau’r ddwy gymuned hyn.

Gwella hawliau tramwy cyhoeddus ledled yr holl gymuned, fel eu bod yn glir o lystyfiant, wedi eu harwyddo’n glir ac yn cysylltu â’i gilydd i greu cylchdeithiau.

Gwella bioamrywiaeth mewn parciau, ymylon ffyrdd, llecynnau amwynderol a thir cyhoeddus a danddefnyddir, trwy blannu coed cynhenid a chynefinoedd cymysg sy’n helpu gyda chadw dŵr, dal a storio carbon a llesiant cyffredinol.

Cefnogi Llwybr Barddoniaeth Aberporth, sy’n gylchdaith gerdded o 2.45 milltir (3.9 km) trwy goetiroedd hardd gydag ymwelwyr yn cael gweld detholiad o gerddi Dic Jones. Nod y Cyngor Cymuned yw darparu:
 Ap dwyieithog am ddim a fydd yn dehongli’r llwybr a rhoi gwybodaeth am fywyd a gwaith Dic Jones,
 Cynnal Digwyddiad Lansio yng Nghapel Blaenannerch Chapel a fydd yn ail-fyw ysbryd yr Eisteddfod gyntaf yn Aberteifi yn 1176.

Datblygu deunydd dehongli treftadaeth ledled y gymuned a’i hyrwyddo mewn mannau cyrraedd allweddol ee maes parcio, toiledau cyhoeddus, parciau, etc.

Datblygu gwefan gymunedol sy’n dathlu bywyd yn Aberporth-Parcllyn, rôl y cyngor cymuned, dangos beth sydd ymlaen, a gwybodaeth leol arall.

Archwilio opsiynau ar gyfer darpariaeth i bobl ifanc o fewn nifer o leoliadau cymunedol yn ogystal â rhaglen o weithgareddau awyr agored. Gweithgareddau’n canolbwyntio ar fentergarwch ieuenctid, gweithgareddau natur/awyr agored ac arloesi/technoleg.

Datblygu darpariaeth chwarae i grŵp oedran ehangach sy’n hygyrch a chynhwysol yn lle chwarae  Banc Y Dyffryn a’r cae hamdden cyfagos.

Gwella mynediad i’r traeth a chyfleusterau gan gynnwys toiledau cyhoeddus a lle storio, dec gwylio, clwb syrffio, cerrig llamu priodol dros Nant Owni ar y traeth, ffyrdd o gyfyngu ar geir yn parcio ar y traeth a gwelliannau eraill.

Asesu capasiti seilwaith lleol ee carthffosiaeth o fewn y gymuned, yn benodol rhwng Parcllyn ac Aberporth ee coridor Nant Gilwen.

Creu canolfan gymunedol a llecyn amwynderau newydd. Y rhain i gynnwys:

• Pafiliwn newydd gyda dwy ystafell newid i dimau
• Lle i grwpiau newid a lle cymdeithasol, addas ar gyfer aml-ddefnydd, gan gynnwys dosbarthiadau ffitrwydd bach, Pilates, cyfarfodydd a chefnogi gweithgareddau’r cae
• Ymestyn y cae presennol i faint llawn ar gyfer cystadlaethau i oedolion a’i uwchraddio
• Cyflwyno dau le chwarae 9v9 i ieuenctid
• Yr ardal gyffredinol i roi lle i weithgareddau haf – gŵyl, dyddiau chwaraeon, rhedeg am hwyl, rownderi, pêl fas, criced.
• Lle i barcio hyd at 30 o geir
• Gwella’r fynedfa
• Datblygu ardal bioamrywiaeth gerllaw ffiniau llecyn agored yr MOD
• Llwybrau cerdded, a lleoedd/meinciau picnic, biniau sbwriel, lle i fynd â chwn am dro
• Cyflwyno clawdd ar ochr y ffordd i wella golwg y safle, a bioamrywiaeth.
• Gallai syniadau pellach ar gyfer y safle gynnwys:
• Trac pwmp o fewn yr ardal bioamrywiaeth
• Parc sglefrio rhwng y prif gae chwarae a’r cae chwarae iau.

Galluogi datblygu tai gwledig ar safleoedd a ddyranwyd, sy’n cefnogi tai cytbwys o ran oedran ac sy’n dilyn codau dylunio lleol, ac yn integreiddio â’r gymuned leol. Bod yn ymwybodol o’r cyflenwad presennol o ail gartrefi.

Datblygu gwasanaethau iechyd symudol sy’n defnyddio lleoliadau cymunedol ar gyfer gwiriadau iechyd, sgrinio, brechu, gofal clwyfau a gwasanaethau meddygon teulu.

Datblygu gweithgareddau llesiant ee siediau dynion, rhandiroedd, caffi cymunedol.